唔知大家有冇咁既經驗，當你飲完一杯 Whisky 後，冇即時地拎隻杯去洗，而係好隨意地，好隨意咁放左係枱面上的某個位置，然後就訓，第二朝起身再施施然地去聞下隻杯，突然發現隻杯乾左之後，所散發既香氣會令人上癮。
而我，就係咁樣墮入威士忌既圈套。
當然係蘇格蘭買既第一支威士忌，係 Elements of Islay 既 The Peat，我好記得飲完佢之後，由隻乾左既杯所散出黎既，係一陣比火燒過既松木香，亦係我第一次理解，原來威士忌既香氣可以咁迷人同令人驚嘆，亦因此而愛上威士忌。但呢樣野算唔算得上係所謂既 After Taste？我實在沒法搞清楚，但一杯酒風乾左之後既香氣，已經變成左我去衡量一枝作品是否足夠美好既重要指標。
好似濃郁香甜既焦糖燉蛋、炭香滿瀉既煙燻肉、火炙過的木香調、酸甜的漿果香等，都係令我陶醉既加分風味；當然亦都有討厭既味啦，好似啲好薄既茶香、潮濕既青草、腐敗既鮮花，而近日聞過一枝係勁爆既青色豌豆，更係非常討厭；當然，以上都係小弟既「個人感受」，並不客觀，亦無任何參考價值，而點解突然又講？
因為，我今朝聞左杯好正既「Crème brûlée」，純粹想同你地分享下。
酒舍感謝 The Malt Hunter 授權轉載文章，如欲觀看更多精彩文章，可以前往Facebook page @themalthunter 及其pateron。 最後請大家記住俾Like, 留言及分享。
Comments